MAKE A STAND WITH TEAM PILIPINAS!

FB_IMG_1548314328937.jpg

A friend messaged me today. Mas okay daw ang mga fb posts ko dati noong puro about family, parenthood, marriage at nakakatuwang mga kwento ang isini-share ko. Tigilan ko na raw kasi ang politika. Kung hindi, dadami lang daw ang wrinkles (at kaaway!) ko.

Ang sagot ko sa kanya?

Bes, nami-miss ko na rin ang time when I was always inspired to write and share articles about the joys of being a mom, a wife and a woman. Nami-miss ko na ang panahon when days would pass by na walang malaking ganap sa paligid natin. Nami-miss ko na ang pakiramdam na paggising sa umaga, I wouldn’t have to wonder with dread, “Ano na naman kaya ang mga mangyayari today na hindi kagandahan?”

Ngayon kasi, bes, the time demands na magbasa, magsulat at mag-share tayo para makapagmulat ng mga kababayan natin na walang alam, walang pakialam, o pinipili pa rin ang maniwala sa mga kasinungalingan.

Look around us.

Tuloy-tuloy pa rin ang pagpatay in the name of a fake drug war.

Wala pang nahuhuling drug lords. Yung mga umamin, pinakawalan. Yung mga convicted, ginawang witnesses laban kay Sen. De Lima, at pinawalang-sala.

Bilyun-bilyong halaga ng droga ang hinahayaang makapasok sa bansa.

 

Ang mga mahihirap, lalong napapahirapan dahil sa TRAIN law.

Bagsak ang ekonomiya natin.

Mahal ang mga bilihin.

Ang mga trabahong dapat nakalaan sa mga Pilipino, sa mga Tsino ibinibigay. Kaya ang mga OFWs, patuloy na nagpapaalipin at naaabuso sa ibang bayan.

 

Mas grabe ngayon ang korapsyon sa gobyerno. Harapan at walang pakundangan. Nariyan ang magkakapatid na Tulfo, sina Lapeña at Faeldon, si former DOJ Sec. Aguirre, si Bong Go at ang pamilya nya, si Solgen Calida, ang mga Villar, ang pamilya ni Sec. Diokno, ang mga Konggresista with their budget insertions, at marami pang iba.

 

Tinatakot at pilit na pinapatahimik ang mga personalidad at institusyon na lumalaban sa mga abuses ng administrasyong ito. Binabaluktok nila ang batas, at ginagawang tama ang mali at mali ang tama.

 

Pinipilit baguhin ng ating mga politiko ang Saligang Batas upang maproteksyunan nila ang kanilang pangsariling interes.

 

Ang mga kilalang plunderers, pinalaya na at ngayon ay mga kumakandidato para makabalik sa kapangyarihan. Habang ang mga batang paslit, gusto nilang gawing criminally liable at makulong kapag lumabag sa batas.

 

At ang mga teritoryo natin sa West Philippine Sea? Hayun, pinapabayaang kamkamin ng China. Bes, ilang taong ipinaglaban ‘yun ng Pilipinas sa The Hague. Naipanalo na natin ‘yun. Pero ngayon ay isinusuko ng administrasyong ito ang ating karapatan at pinapayagang i-harass ang ating mga mangingisda sa ating sariling katubigan.

 

And that poor excuse of a man na nakaupo sa Malacañang? Wala siyang ginagawa kundi bigyan ng kahihiyan ang Office of the Philippine President that he should be representing! Ang mga ipinagmamalaki niya lang na accomplishments ay ang kanyang mga fake wars.

Fake war against illegal drugs.

Fake war against corruption.

Fake war against poverty.

Fake war against oligarchs.

Fake war against incompetence.

 

Ngayon, bes, sabihin mo sa akin. Dapat ba akong manahimik? Baka naman panahon na para imulat mo ang iyong mga mata, pakinggan ang hinaing ng mga kababayan nating namatayan at naghihirap, at gamitin ang iyong boses upang kundinahin ang mga hindi makatao at hindi maka-Pilipinong nangyayari sa bayan natin.

Samahan mo kami, Bes.

Make a stand.

The way I see it, laban na ito ng mga tunay na nagmamahal at nagmamalasakit sa bayan versus mga traydor sa bayan. So, ang laban namin ay laban nating lahat. At kailangan nating maipanalo ang labang ito.

Bago pa mahuli ang lahat.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s